ისრაელმა იემენის საპორტო ქალაქი ჰოდეიდა დაბომბა, - ამის შესახებ ინფორმაციას გამოცემა The Times of Israel-ი ისრაელის ოფიციალურ პირებზე დაყრდნობით ავრცელებს.

ამასთან, გამოცემა Axios-ის ინფორმაციით, ისრაელმა იემენზე სარაკეტო იერიშები ვაშინგტონთან კოორდინაციით განახორციელა.

შეგახსენებთ, გუშინ „ჰუსიტებმა" იემენიდან ისრაელის ბენ გურიონის აეროპორტს ბალისტიკური რაკეტით დაარტყეს, რის გამოც აეროპორტი ერთი საათით დაიხურა.

„ჰუსიტების" სარაკეტო თავდასხმის შედეგად ექვსი ადამიანი მსუბუქად დაშავდა.