უკრაინის პრეზიდენტის, ვოლოდიმირ ზელენსკი განცხადებით, აშშ-ის პრეზიდენტთან, დონალდ ტრამპთან პირისპირ საუბარი იყო საუკეთესო, რაც კი აქამდე ჰქონიათ ლიდერებს.
ამის შესახებ ვოლოდიმირ ზელენსკიმ ჟურნალისტებს განუცხადა.
„შეიძლება, ეს იყო ყველაზე ხანმოკლე, მაგრამ ყველაზე შინაარსიანი შეხვედრა. ჩვენი გუნდების მიმართ პატივისცემის მიუხედავად, ჩემი აზრით, ერთი-ერთზე ფორმატმა იმუშავა. საუბრისთვის სწორი ატმოსფერო გვქონდა", - განაცხადა ვოლოდიმირ ზელენსკიმ.
უკრაინის პრეზიდენტის აზრით, ვატიკანში შეხვედრის შემდეგ დონალდ ტრამპმა დაიწყო გარკვეული საკითხების განსხვავებულად აღქმა. ზელენსკიმ ასევე აღნიშნა, რომ ტრამპთან საუბრისას რუსეთის სანქცირების საკითხი წამოაყენა.
„დეტალებში არ შევალ, მაგრამ ის, რაც მან მითხრა, ძალიან ძლიერად ჟღერდა", - განაცხადა ვოლოდიმირ ზელენსკიმ.