კახეთში, ერთ-ერთ საგანმანათლებლო ცენტრში 6 წლის ბავშვი დაიხრჩო. ადგილობრივების ინფორმაციით, მცირეწლოვანი ტერიტორიაზე მოწყობილ შადრევანთან, მცირე აუზში ჩავარდა.
აუზში ჩავარდნილი ბავშვი ტერიტორიაზე მყოფმა კაცმა შენიშნა. ადგილზე მყოფებმა ბიჭის დახმარება სცადეს, გამოძახებული იყო სასწრაფო-სამედიცინო სამსახურიც, თუმცა მცირეწლოვანის გადარჩენა ვერ მოხერხდა.
შემთხვევა თელავის მუნიციპალიტეტის სოფელ ბუშეტში მოხდა.
საგანმანათლებლო ცენტრში რუსეთის მოქალაქე, 6 წლის ბიჭი, დედასთან ერთად ჩავიდა, სადაც სხვადასხვა ქვეყნიდან მოწვეული პედაგოგების კონფერენცია მიმდინარეობდა.
დაღუპულს საკუთარ ქვეყანაში უახლოეს დღეებში გადაასვენებენ.