ჩვენ ძალიან დიდი იმედი გვაქვს, რომ ცოტა ხანში, ქართულ ბაზარზე ვიხილავთ ჩინურ მსხვილ ბანკებსაც, - განაცხადა „ქართული ოცნების" თავმჯდომარის მოადგილე, ლევან მაჭავარიანმა. ამ კომენტარით დეპუტატი გამოეხმაურა ჩინეთში ეროვნული ბანკის ხელმძღვანელის ვიზიტს.
„დიდი იმედი გვაქვს, რომ ცოტა ხანში, ქართულ ბაზარზე ვიხილავთ უკვე ჩინურ მსხვილ ბანკებსაც, რომელიც კონკურენციას გაუწევს ადგილობრივ ბანკებს და რა თქმა უნდა ეს მომხმარებლებისთვის იქნება პირველ რიგში ყველაზე უფრო სარგებლიანი“, - განაცხადა მაჭავარიანმა.
ცნობისთვის, ეროვნული ბანკის ხელმძღვანელმა, ჩინეთის ცენტრალურ ბანკსა და მსხვილ ბანკებთან შეხვედრები გამართა, გაფორმდა მემორანდუმიც. იყო შეხვედრები სხვადასხვა დელეგაციასთან. ოპოზიციაში ჩინეთთან ურთიერთობას პრობლემად წარმოაჩენენ.