საფრანგეთი უკრაინას 195 მილიონი ევროს ღირებულების სამხედრო დახმარებას გაუწევს, – ამის შესახებ უკრაინული მედია წერს. როგორც ცნობილია, საფრანგეთი ამ დახმარებას გაყინული რუსული აქტივებიდან მიღებული პროცენტების ხარჯზე გადაიხდის.

საფრანგეთის თავდაცვის მინისტრმა, სებასტიან ლეკორნუმ განაცხადა, რომ საფრანგეთი უკრაინას მიაწვდის 155 მმ კალიბრის საარტილერიო ჭურვებსა და AASM ავიაბომბებს Mirage 2000 გამანადგურებლებისთვის.

გარდა ამისა, საფრანგეთი დააჩქარებს AMX-10RC მსუბუქი ტანკებისა და VAB ჯავშანტრანსპორტიორების გადაცემას.

ასევე, ქვეყანა გაზრდის სამხედრო ტექნიკის წარმოებას როგორც უკრაინის, ისე საკუთარი სამხედროების მხარდასაჭერად.