ნატოს გენერალურმა მდივანმა მარკ რუტემ BBC-ს განუცხადა, რომ ორჯერ ესაუბრა ზელენსკის თეთრ სახლში დონალდ ტრამპთან მომხდარი შელაპარაკების შემდეგ.

რუტემ საუბრების შინაარსი არ გაამჟღავნა, მაგრამ აღნიშნა, რომ ზელენსკის მოუწოდა, გამონახოს გზა, აშშ-ის პრეზიდენტთან ურთიერთობების აღსადგენად. ნატოს გენერალური მდივნის თქმით, „პატივი უნდა ვცეთ“ იმას, რაც ტრამპმა უკვე გააკეთა უკრაინისთვის. მან გაიხსენა, რომ ტრამპის პირველმა ადმინისტრაციამ გადასცა უკრაინას Javelin-ები.