საქართველო ერთ-ერთი პირველი იყო, ვინც თანასპონსორობა გაუწია აშშ-ს რეზოლუციას რუსეთ-უკრაინის ომთან დაკავშირებით, - განუცხადა ჟურნალისტებს დიასპორისა და კავკასიის საკითხთა კომიტეტის თავმჯდომარე, საპარლამენტო უმრავლესობის წევრმა ირაკლი ზარქუამ

„აქ მთავარი მესიჯია, რომ ომი უნდა დასრულდეს, რასაც ჩვენ ვამბობდით. გვიხარია რომ აშშ-ს ახალი ადმინისტრაცია ერთი ერთი ემთხვევა იმ მიდგომას, რაც ამ პერიოდის განმავლობაში გვქონდა. შესაბამისად, ჩვენ გავხდით ერთ-ერთი პირველი, ვინც ამ რეზოლუციას გვერდში დავუდექით“, - აღნიშნა ირაკლი ზარქუამ.

საქართველო გაეროში ამერიკის რეზოლუციის თანასპონსორია. პროექტს, რომელიც ომის დასრულებას ეხება უკვე უერთდებიან უნგრეთი, ისრაელი და ჩრდილოეთ მაკედონია.