„ტავ ჯორჯიას“ ინვესტიციით, თბილისის საერთაშორისო აეროპორტში საჰაერო ხომალდების მომსახურებისთვის დამატებითი სადგომები მოეწყო და ასევე, რეაბილიტაცი აჩაუტარდა უკვე არსებული სადგომების ნაწილს. ინფორმაციას თბილისის საერთაშორისო აეროპორტი ავრცელებს.

პროექტის ფარგლებში, 18 000 მ2 ფართობზე დიდ გაბარიტიანი (Wide-body), ICAO-ს სტანდარტით „F“ და „E“ კოდების მქონე საჰაერო ხომალდების ახალი სადგომი მოეწყო. ასევე, რეაბილიტაცია ჩაუტარდა 12 500 მ2 ტერიტორიას, რომელიც საშუალო გაბარიტიანი (Narrow-body), ICAO-ს სატანდარტებით „C“ კოდის მქონე თვითმფრინავებისთვის არის გათვლილი. რეაბილიტირდა 3 500 მ2 ტერიტორიაზე განთავსებული ვერტმფრენების სადგომიც.

აღნიშნულ ინფრასტრუქტურულ სამუშაოებში ტავ ჯორჯიამ ინვესტიციის სახით ჩადო 6,5 მილიონი ლარი. ბოლო 20 წლის განმავლობაში კომპანიის მიერ საქართველოში განხორციელებული ჯამური ინვესტიცია დღეის მდგომარეობით 225 000 000 ამერიკულ დოლარს აღწევს.