სეისმოლოგი თეა გოდოლაძე დაჩქარებულად და ხანგრძლივი ვადით ამერიკის შეერთებულ შტატებში წავიდა. საქართველოს დატოვებამდე „რადიო თავისუფლებისთვის“ მიცემულ ინტერვიუში მან თქვა, რომ ამ გზით გაურბოდა დაპატიმრების საფრთხეს იმ სისხლის სამართლის საქმეზე, რომელიც მის წინააღმდეგ მის ყოფილ პარტნიორზე ძალადობის ბრალდებით არის აღძრული.

„ფაქტობრივად დამაბრალეს 500 ტონა ტროტილის შემოტანა და „საქართველოს აფეთქება“ ამერიკელებთან ერთად. მდინარაძე გამოვიდა და თქვა, რომ მე ვარ „გლობალური ომის“ პარტიის წევრი“, – თქვა გოდოლაძემ.