ამერიკელმა მაშველებმა ვაშინგტონში მდინარე პოტომაკიდან, სადაც ავიაკომპანია American Airlines-ის კუთვნილი თვითმფრინავი ვერტმფრენთან შეჯახების შემდეგ ჩავარდა, 18 ადამიანის ცხედარი ამოიყვანეს. ინფორმაციას CBS News-ი ავრცელებს.

ამერიკული ტელეარხის ცნობით, მაშველებს ჯერ არცერთი გადარჩენილი ადამიანი არ უპოვიათ. სამაშველო ღონისძიება გრძელდება.

„ძალიან რთული ოპერაციაა. მაშველებს ძალიან რთულ პირობებში უწევთ მუშაობა. ცივა. ისინი შედარებით ქარიან ამინდში მუშაობენ“, - ციტირებს არხი კოლუმბიის ოლქის სახანძრო-სამაშველო სამსახურის უფროსს ჯონ დონელის.

ცნობისთვის, ავიაკომპანია American Airlines-ის კუთვნილი Bombardier CRJ-700 ტიპის სამგზავრო თვითმფრინავი აშშ-ის დედაქალაქ ვაშინგტონში სამხედრო ვერტმფრენს შეეჯახა და მდინარე პოტომაკში ჩავარდა. თვითმფრინავის ბორტზე 60 მგზავრი და ეკიპაჟის ოთხი წევრი იმყოფებოდა.