მცირეოდენი შანსიც კი არ არსებობს, რომ კანადა აშშ-ის ნაწილი გახდეს, - განაცხადა კანადის პრემიერ-მინისტრმა, ჯასტინ ტრუდომ.

„საზოგადოებები ორივე ქვეყანაში სარგებლობენ იმით, რომ ერთმანეთის ყველაზე დიდი სავაჭრო და უსაფრთხოების პარტნიორები ვართ", - აღნიშნა კანადის პრემიერ-მინისტრმა.

მანამდე აშშ-ის არჩეულმა პრეზიდენტმა, დონალდ ტრამპმა განაცხადა, რომ კანადაში ბევრ ადამიანს მოსწონს აშშ-ის 51-ე შტატად ყოფნა.