სალომე ზურაბიშვილმა გადაწყვეტილება მიიღო და საპრეზიდენტო სასახლის დატოვების გადაწყვეტილება მიიღო.
"მე გამოვალ და თქვენთან ერთად ვიქნები. ლეგიტიმაციაც ჩემთან და თქვენთან ერთად იქნება. ჩვენთან არის ერთმანეთის სიყვარული და ამიტომ არის, რომ ჩვენ გავინარჯვებთ. ეს არის ორბელიანიების სასახლე და შენობა უნდა დაუბრუნდეს ორბელიანებს.
ჩვენ არაფრის არ გვეშინია, არც გისოსების. მე მინდა თქვენ გითხრათ და თქვენ ჩაგაბაროთ ანგარიში - 6 წლის წინ მე დავდე ფიცი კონსტიტუციაზე, მაგრამ კიდევ უფრო ქვეყნის მიმართ ერთგულებაზე და თქვენს მიმართ ერთგულებაზე, ამიტომ ვარ დღეს აქ და ეს ერთგულება არაფრით შეიცვლება, მე ვიქნები სასახლეში თუ ვიქნები სასახლის გარეთ. მე აქედან თქვენთან გამოვალ და თქვენთან ერთად ვიქნები.
ჩვენ ვართ ღია, თავისუფალი, ლაღი და მშვიდი. ჩვენთან არის სიმართლე, რადგან ჩვენთან არის სიყვარული - ქვეყნის სიყვარული და ჩვენთან არის ერთმანეთის სიყვარული და ამიტომ არის, რომ ჩვენ გავიმარჯვებთ.
მე მინდა, თქვენთან ერთად დავფიქრდეთ იმაზე, თუ რას ნიშნავს ლეგიტიმურობა - ლეგიტიმურობა მოდის მხოლოდ ერთი წყაროდან და ეს წყარო ხართ თქვენ. სადაც ხალხის ნდობა არ არის, იქ ლეგიტიმურობაც ვერ იქნება და ამიტომ გამოვალ და თქვენთან ვიქნები", - განაცხადა ზურაბიშვილმა.