ავიაკომპანია Azerbaijan Airlines-მა შეაჩერა ფრენები გროზნოსა და მახაჩყალაში. ინფორმაციას ამის შესახებ Deutsche Welle ავრცელებს.

„ავიაკომპანია Azerbaijan Airlines-ის ფრენები ბაქო-გროზნო-ბაქოსა და ბაქო-მახაჩყალა-ბაქოს მიმართულებით შეჩერებულია გამოძიების დასრულებამდე“, - განაცხადეს ავიაკომპანიაში.

ცნობისთვის, დღეს აქტაუსთან Azerbaijan Airlines-ის კუთვნილი Embraer-190 ტიპის სამგზავრო თვითმფრინავი ჩამოვარდა. თვითმფრინავი ბაქო-გროზნოს რეისს ასრულებდა.

წინასწარი მონაცემებით, ბორტზე 67 მგზავრი და ეკიპაჟის ხუთი წევრი იმყოფებოდა. სავარაუდოდ, ავიაკატასტროფის მიზეზი ფრინველებთან თვითმფრინავის შეჯახება გახდა