თბილისის მერის, კახა კალაძის თქმით, 2025 წლის პირველი იანვრიდან თბილისში, პიკის საათებში დისტრიბუციის მანქანებს მოძრაობა შეეზღუდება.

მისი თქმით, დისტრიბუციის მანქანებს მოძრაობა 08:00-დან 11:00 საათამდე და 17:00-დან 20:00 საათამდე პერიოდში შეეზღუდება.

მისივე თქმით, აღნიშნული რეგულაცია ითვალისწინებს შეზღუდვას N2 და N3 კატეგორიების სატრანსპორტო საშუალებებით დისტრიბუციაზე და არ ეხება M2 კატეგორიის სატრანსპორტო საშუალებებს.

"კიდევ ერთხელ ხაზგასმით განვმარტავთ, რომ შეზღუდვა ვრცელდება მხოლოდ 08:00-დან 11:00 საათამდე და 17:00-დან 20:00 საათამდე, რა დროსაც დედაქალაქში არის უფრო დიდი სატრანსპორტო ნაკადები, დღე-ღამის დანარჩენ მონაკვეთში კი არანაირი შეზღუდვა არ არის დაწესებული და არც იგეგმება რაიმე ახალი შეზღუდვის დაწესება"- თქვა კალაძემ.