ევროპის საბჭოს გენერალური მდივანი, ალენ ბერსე „ქართული ოცნების" საპატიო თავმჯდომარეს, ბიძინა ივანიშვილს შეხვდა. ინფორმაციას ადასტურებენ „ქართული ოცნების" პრესსამსახურში.

შეხვედრის დეტალები უცნობია.

შეგახსენებთ, მანამდე ალენ ბერსე შეხვდა პრემიერ-მინისტრ ირაკლი კობახიძეს, პარლამენტის თავმჯდომარე შალვა პაპუაშვილს. ასევე, სახალხო დამცველს, ლევან იოსელიანს.

ბერსე ხვალ ოპოზიციასთან და სამოქალაქო საზოგადოებასთან გამართავს შეხვედრას.