სასწრაფო დისკუსია მქონდა საქართველოს პრეზიდენტთან, სალომე ზურაბიშვილთან საქართველოში არსებულ ვითარებაზე, - ამის შესახებ ფინეთის პრეზიდენტი, ალექსანდრე სტუბი სოციალურ პლატფორმა X-ზე წერს.

მისი თქმით, საერთო ეროვნული პროტესტი ცხადყოფს ქართველების ძლიერ სურვილს გააგრძელონ ევროპული გზა და მათი პროტესტი არ უნდა ჩაახშონ.

„პარტია „ქართულმა ოცნებამ“ განაცხადა, რომ გაყინავს ქვეყნის ევროკავშირის გზას. ეს არის რადიკალური ცვლილება წინა პოლიტიკისგან, რომელიც ეფუძნებოდა ქვეყნის კონსტიტუციას. საერთო ეროვნული პროტესტი ცხადყოფს ქართველების ძლიერ სურვილს გააგრძელონ ევროპული გზა. მათი პროტესტი არ უნდა ჩაახშონ“, - წერს ფინეთის პრეზიდენტი.