თბილისთან ერთად პროტესტი გრძელდება მსოფლიოს მასშტაბით. "მოვაშოროთ შავი ლაქა საქართველოს" - ამ ლოზუნგით ემიგრანტები დღეს და ხვალ   გაყალბებულ არჩევნებს 15 სხვადასხვა ქალაქში გააპროტესტებენ.  საზღვარგარეთ მცხოვრები საქართველოს მოქალაქეები ამბობენ, რომ არ ცნობენ არჩევნების შედეგებს, სოლიდარობას უცხადებენ თბილისში მიმდინარე პროტესტს და ახალი არჩევნების ჩატარებას ითხოვენ.

აქცია გაიმართა პარიზშიც, სადაც ქართველმა ემიგრანტებმა უკრაინელებთან ერთად საპროტესტო მსვლელობა მოაწყვეს. დემონსტრანტებმა ცივილიზებულ სამყაროს რუსული აგრესიის დაგმობისა და უკრაინის მხარდასაჭერად გაერთიანებისკენ მოუწოდეს. საქართველოს მოქალაქეებმა კი  საქართველოში რუსული სპეცოპერაციის შედეგად გაყალბებული არჩევნები გააპროტესტეს.