მეტ გეცმა, რომელიც აშშ-ის არჩეულმა პრეზიდენტმა დონალდ ტრამპმა გენერალური პროკურორის თანამდებობაზე წარადგინა, კანდიდატურა მოხსნა. ამის შესახებ მეტ გეტცი X-ის საკუთარ გვერდზე წერს.

მისი თქმით, „უსარგებლოდ გაჭიანურებულ აყალმაყალზე" დასაკარგი დრო არ არის.

"მიუხედავად იმისა, რომ ძლიერი მომენტი იყო, ნათელია, რომ ჩემი კანდიდატურას უსამართლოდ გადაჰქონდა ყურადღება ტრამპი/ვენსის ტრანზიციის [ჯგუფის] კრიტიკულად მნიშვნელოვანი სამუშაოსგან. ვაშინგტონის უსარგებლოდ გაჭიანურებულ აყალმაყალზე დასაკარგი დრო არ არის, ამიტომ გენერალური პროკურორის კანდიდატურიდან ჩემს სახელს ვხსნი. ტრამპის იუსტიციის დეპარტამენტი ადგილზე და მზად უნდა იყოს პირველივე დღეს", - წერს გეტცი.

ცნობისთვის, ტრამპის მიერ გეტცის გენერალური პროკურორის თანამდებობაზე კანდიდატურის წარდგენას სკანდალი მოყვა, ვინაიდან, აშშ-ის წარმოამდგენელთა პალატის ეთიკის კომიტეტი გეტცთან დაკავშირებულ ბრალდებებზე ანგარიშის გამოქვეყნებაზე ბჭობდა. ცნობების თანახმად, ანგარიშში აღწერილია გეტცის მიერ "სექსუალური ხასიათის დარღვევები და ნარკოტიკული ნივთიერებების უკანონოდ გამოყენება".