ისრაელის არმიის მიერ განხორციელებულ ორ სამხედრო ოპერაციას ღაზის სექტორში 88 ადამიანი ემსხვერპლა.
გავრცელებული ინფორმაციით, ორი თავდასხმა მოხდა ღაზის ორ ქალაქში: ბეიტ ლაჰიაში და ქალაქ ღაზის შეიხ რადვანის უბანში.
დაღუპულთა შორის 10 ბავშვია, დაშავებულია ათეულობით ადამიანი.
დაბომბვის შედეგად შენობების ნანგრევებში ათეულობით ადამიანია მოყოლილი.
ადგილობრივები იუწყებიან, რომ დაბომბვა იმ დროს განხორციელდა, როდესაც მოსახლეობას ეძინა.
გავრცელებული ინფორმაციით, ისრაელის არმიამ ასევე დაარტყა ჩრდილოეთ ღაზის ალ-ავდას საავადმყოფოს ეზოს.
პარალელურად, სულ მცირე, სამი ადამიანი დაიღუპა ისრაელის არმიის დაბომბვის შედეგად ქალაქ რაფაჰში.