საფრანგეთში კაცმა რესტორნის თანამშრომლები მძევლად აიყვანა. პოლიციამ შენობას ალყა შემოარტყა, - ამის შესახებ გამოცემა BFMTV და Le Figaro იტყობინება.
მედიის ცნობით, დანით შეიარაღებულმა კაცმა მძევლად აიყვანა დაწესებულების სულ მცირე ოთხი თანამშრომელი.
სამართალდამცველების განცხადებით, მძევლების გათავისუფლების ოპერაცია გრძელდება და შემთხვევის ადგილზე სპეცსამსახურები მუშაობენ.
მედიის ცნობით, თავდამსხმელი რესტორნის მფლობელის შვილია, დანით არის შეიარაღებული და თვითმკვლელობა სურს.
„ოპერაცია გრძელდება, მიეცით საშუალება უსაფრთხოებისა და სასწრაფო დახმარების სამსახურებს იმუშაონ“, - განაცხადეს სამართალდამცველებმა.
პოლიციამ ალყა შემოარტყა რესტორანს და გადაკეტა მიმდებარე ქუჩები.