გაყალბების სისტემას დასჭირდება სერიოზული და მრავალმხრივი გამოძიება, რომლის გარეშე ჩატარებულ არჩევნებს სანდოობა ვერ ექნება, - ამის შესახებ კოალიცია „ძლიერი საქართველოს" ერთ-ერთმა ლიდერმა, ანა დოლიძემ განაცხადა.

მისი შეფასებით, საუკეთესო შემთხვევაში გამოძიება ევროკავშირმა უნდა ჩაატაროს.

„როგორც ჩვენმა შიდა კვლევებმა გამოავლინა ჩართულები იყვნენ მასწავლებლები, სუსი. ასევე, სხვადასხვა ხარისხით და ფუნქციით ჩართულები იყვნენ თვითმმართველობები. შესაბამისად, ამ გაყალბების სისტემას დასჭირდება სერიოზული და მრავალმხრივი გამოძიება, რომლის გარეშე ჩატარებულ არჩევნებს სანდოობა ვერ ექნება. საუკეთესო შემთხვევაში ეს გამოძიება უნდა ჩაატაროს ევროკავშირმა", - განაცხადა ანა დოლიძემ.