პარტია „გახარია საქართველოსთვის" ლიდერი გიორგი გახარია ეჭვობს, რომ ხელისუფლება საქსტატის კომპეტენციაში ჩარევას ცდილობს.

„კიდევ ერთი ინსტიტუტი, რომელსაც ახლა ესენი (ქართული ოცნება) ღუპავენ, სამწუხაროდ, სტატისტიკის ეროვნული სამსახურია. საქსტატი აუცილებლად მისახედი იქნება.

კითხვები მიჩნდება განსაკუთრებით მაშინ, როდესაც ვუყურებ იმ ციფრებს, რომელსაც აქვეყნებენ... ბევრი მიმართულებით, მაგალითად, ეკონომიკის ზრდის მონაცემებთან დაკავშირებით...

ინტერპრეტირების კორიდორი საკმაოდ დიდია და ჩათვალეთ, რომ ეს იყო ჩემი განგაშის ზარი იმ ადამიანების მიმართ, ვინც მართავს ამ ინსტიტუტს და იმ ადამიანების მიმართ, რომელთაც ყოველთვის ჰქონდათ მცდელობა, ამ ინსტიტუციის კომპეტენციაში ჩარევის და ყოველთვის ხვდებოდათ ის, რასაც იმსახურებდნენ და ახლა რასაც ვუყურებ, მგონი იქ რაღაც პრობლემებია. შეიძლება ვცდები და იმედია, ვცდები", - განაცხადა გიორგი გახარიამ გადაცემა „წერტილში".