ოპოზიციის დიდი ნაწილი ცდილობს, ხელოვნურად შექმნას აჟიოტაჟი, რადგან არჩევნების შემდგომი მარცხის გაპროტესტებისთვის მიზეზები სჭირდებათ, – ამის შესახებ ჯანდაცვის მინისტრმა, მიხეილ სარჯველაძემ განაცხადა.
მისივე თქმით, ქვეყანაში უპრეცედენტოდ მშვიდი წინასაარჩევნო გარემოა.
„მგონია, რომ აბსოლუტურად ყველანაირ საფუძველს მოკლებულია ოპოზიციის ბრალდებები. მათი დიდი ნაწილი ცდილობს, ხელოვნურად შექმნას აჟიოტაჟი, რადგან არჩევნების შემდგომი მარცხის გაპროტესტებისთვის ხელოვნური მიზეზები სჭირდებათ. ოპოზიციას არავითარი არათუ მტკიცებულების, ფაქტის მითითების შესაძლებლობა არ აქვს. ასეთ პირობებში ისინი კი უსაფუძვლო, ხმამაღალ განცხადებებს აკეთებენ.
ზოგადად, ყველა კარგად ხვდება, რომ უპრეცედენტოდ მშვიდ, ნორმალურ გარემოში მიმდინარეობს წინასაარჩევნო პროცესი და ვფიქრობ, 26 ოქტომბერს რეალურად მშვიდობა გაიმარჯვებს ამ ქვეყანაში“, – აღნიშნა სარჯველაძემ.