აბაშის ცენტრში, გუშინ ღამით, ბანკი გაქურდეს. როგორც ირკვევა, თავდამსხმელებმა ბანკში შესვლა წინა კარიდან შეძლეს.

მძარცველებმა "კრისტალ ბანკის" ინვენტარი დაამტვრიეს, მათ შორის ტელევიზორი და კომპიუტერები. საცავი, რომლის გახსნასაც შემდუღებელი აპარატით (ე.წ. სვარკით) ცდილობდნენ, ვერ გახსნეს. გამომძიებლები არკვევენ არის თუ არა სალაროდან თანხა წაღებული. 

ამ დროისთვის, მიმდინარეობს გამოძიება. ბანკის თანამშრომლები დაკითხვაზე იმყოფებიან.