შინაგან საქმეთა სამინისტროს ინფორმაციით, საქართველოსა და საბერძნეთის რესპუბლიკას შორის მართვის მოწმობების ურთიერთაღიარების და გადაცვლის შესახებ შეთანხმებას ხელი მოეწერა.

როგორც შსს-ს მიერ გავრცელებულ ინფორმაციაში წერია, შეთანხმების ამოქმედების შემდგომ, მხარეთა მიერ გაცემული მოქმედი მართვის მოწმობის მფლობელები, თეორიული ან პრაქტიკული გამოცდის ჩაბარების გარეშე შეძლებენ მიიღონ თანაბარი ძალის მქონე მართვის მოწმობა იმ სახელმწიფოში, რომელიც მათ კანონიერ საცხოვრებელს წარმოადგენს.