"დღეს საქართველო ან ბრუნდება რუსეთში, ან მიდის ევროპისკენ და ხდება დემოკრატიული ქვეყანა. ამიტომაც აუცილებელია, თქვენ ყველამ მივიღოთ მონაწილეობა არჩევნებში", - ასე მიმართავს ცნობილი საოპერო მომღერალი პაატა ბურჭულაძე ქართველ ემიგრანტებს და 26 ოქტომბრის არჩევნებში მონაწილეობისკენ მოუწოდებს. 

"მოგესალმებით ემიგრანტგებო, ჩემო დებო და ძმებო. დღეს საქართველოს ჩვენი დახმარება სჭირდება. დღეს საქართველო ან ბრუნდება რუსეთში, ან მიდის ევროპისკენ და ხდება დემოკრატიული ქვეყანა. ამიტომაც აუცილებელია, თქვენ ყველამ მივიღოთ მონაწილეობა არჩევნებში. ვიცი, რომ საარჩევნო უბნები ხანდახან ძალიან შორს არის თქვენი ადგილსამყოფელიდან, მაგრამ უნდა გავიჭირვოთ, ყველამ უნდა გავიჭირვოთ და ამ დღეს  უნდა მივცეთ ხმა საქართველოს მომავალს. უნდა შევუწყოთ ხელი. ამიტომაც გთხოვთ, 25 სექტემბრამდე დარეგისტრირდეთ პრალტფორმა Emguide.ge, სადაც თქვენი სახელით საკონსულო რეგისტრაციას გაგატარებენ. ეს ძალიან აუცილებელია, აუცილებელია ჩვენი საქართველოს მომავლისთვის. იმედი მაქვს და დარწმუნებული ვარ თქვენ ასეც მოიქცევით. გაუმარჯოს თავისუფალ, ევროპულ საქართველოს." - განაცხადა პაატა ბურჭულაძემ.