რუსეთის ტერიტორიაზე უკრაინული არმიის სამხედრო ოპერაცია გრძელდება. მედიის ცნობით, უკრაინული ძალები რუსეთის შიგნით 155 კვადრატულ კილომეტრ ტერიტორიას აკონტროლებენ და 40 კილომეტრის სიღრმეში შევიდნენ. ომის კვლევის ამერიკული ინსტიტუტის მიერ გამოქვეყნებული მონაცემებით, რუსეთის კურსკის ოლქში უკრაინული ძალების ოპერაციამ უკრაინას ფრონტის ხაზზე, გარკვეული დროით, ინიციატივის მოპოვებისა და ყველა საბრძოლო მიმართულებით სიტუაციის სტაბილიზების საშუალება მისცა.