უნგრეთმა და სლოვაკეთმა ევროკავშირს დახმარებისთვის მიმართეს. მიზეზი უკრაინის მიერ რუსული ნავთობის უკრაინის გავლით ტრანზიტის შეზღუდვაა.
უნგრეთსა და სლოვაკეთში განაცხადეს, რომ კიევის ამ ნაბიჯმა სასტიკად შეაფერხა აღმოსავლეთ ევროპის ქვეყნებისთვის ენერგომომარაგება, რის გამოც მათ ოფიციალური საჩივრები წარადგინეს, როგორც უკრაინასთან, ასევე ევროკავშირთან, რათა გადაეჭრათ ნავთობის მიწოდების მკვეთრი შემცირება.
უნგრეთის პრემიერ-მინისტრმა, გერგელი გულიასმა უკრაინა „შანტაჟში" დაადანაშაულა და აღნიშნა, რომ ეს ნაბიჯი ენერგოუსაფრთხოებას სერიოზულ დარტყმას მიაყენებს. უნგრეთი ევროკავშირს მოუწოდებს, დაუყოვნებლივ შეასრულოს მედიატორის როლი.
ევროკავშირის საკითხებში უნგრეთის მინისტრმა, იანოშ ბოკამ კი შეშფოთება გამოთქვა უკრაინის მიერ მსოფლიო სავაჭრო ორგანიზაციის წესების პოტენციურ დარღვევასთან დაკავშირებით.