წყნეთში, აღმაშენებლის ქუჩაზე გზის დახაზვის სამუშაოები ბოლო ეტაპზეა. საგზაო მონიშვნები აღმაშენებლის ქუჩასა და ჯუღელის გზატკეცილზე, საერთო ჯამში, 8 000 გრძივ მეტრზე დაიხაზა.

ბოლო ეტაპის სამუშაოებს „თბილსერვის ჯგუფის“ დირექტორი დავით ფაჩულია ადგილზე გაეცნო.

გზის გამყოფი ზოლები თერმო პლასტის საღებავით დაიხაზა, ხოლო ისრები, „სდექ“ ხაზები და ქვეითთა გადასასვლელები ორკომპონენტიანი ცივი პლასტის საღებავით იხაზება.

საგზაო მონიშვნის სამუშაოებს „თბილსერვის ჯგუფის“ თანამშრომლები დედაქალაქის მერიის ტრანსპორტისა და ურბანული განვითარების სააგენტოს დავალებით ასრულებენ.