მეტროს მეორე ხაზზე მოძრაობა აღდგა. ამის შესახებ ინფორმაცია თბილისის სატრანსპორტო მოძრაობაში დაადასტურეს.

საბურთალოს ხაზზე მოძრაობა რამდენიმე საათის განმავლობაში, სადგურ "ვაჟა-ფშაველაზე" ლიანდაგებში კაცის ჩავარდნის გამო იყო შეჩერებული. მგზავრი შემთხვევის ადგილიდან მაშველებმა ამოიყვანეს, ის კლინიკაშია გადაყვანილი.

ტერიტორიაზე საგამოძიებო სამუშაოებს შინაგან საქმეთა სამინისტროს თანამშრომლები ატარებდნენ. მომხდართან დაკავშირებით დაწყებულია გამოძიება.