რუსთავში ძლიერი წვიმის შედეგად რამდენიმე ქუჩა დაიტბორა. დატბორილია მათ შორის ცენტრალური ქუჩები.

განსაკუთრებულად რთული მდგომარეობაა მეთორმეტე მიკრორაიონისა და მესხიშვილის ქუჩის დამაკავშირებელ მონაკვეთზე.

შესაბამის კადრებს საინფორმაციო სააგენტო „ინფო რუსთავი" ავრცელებს, სადაც ჩანს, რომ ტერიტორიაზე საავტომობილო მოძრაობაც გადაკეტილია.

ზარალის შესახებ ინფორმაცია, ამ დროისთვის, უცნობია.

ადგილზე მობილიზებული არიან შესაბამისი სამსახურების წარმომადგენლები.