მოლდოვამ და ევროკავშირმა უსაფრთხოების სფეროში თანამშრომლობის შესახებ ხელშეკრულება გააფორმეს, - ამის შესახებ ინფორმაციას ევროკავშირის უმაღლესი წარმომადგენელი საგარეო პოლიტიკისა და უსაფრთხოების საკითხებში, ჯოზეფ ბორელი ავრცელებს.

მოლდოვის პრემიერ-მინისტრის, დორინ რეჩანის მიერ ხელშეკრულებაზე ხელის მოწერის შედეგად, მოლდოვა პირველი სახელმწიფო გახდა, რომელთანაც ევროკავშირმა უსაფრთხოების შესახებ ხელშეკრულებას ხელი მოაწერა.

„ეს პარტნიორობა ქვეყნის მდგრადობას გააძლიერებს. ეს საშუალებას მოგვცემს უსაფრთხოების საერთო გამოწვევებს ერთად ვუპასუხოთ, ჩვენი ქმედებები უფრო ეფექტური გავხადოთ და თანამშრომლობა ახალ სფეროებში დავიწყოთ", - განაცხადა ჯოზეფ ბორელმა.