რეზონანსი
20.03.2024

შინაგან საქმეთა მინისტრმა, ვახტანგ გომელაურმა პარლამენტში ისაუბრა ახალ, ევროპული ტიპის "H 145" ვერტმფრენზე, რომელიც სამინისტროს გადმოეცა. ჯამში სახელმწიფომ სამი ამ ტიპის ვერტმფრენი შეიძინა. 

გომელაურს ჰკითხეს, ეს ვერტმფრენი ქვეყანას რომ ჰყოლოდა იქნებოდა თუ არა მეტი ადამიანის გადარჩენა შესაძლებელი რაჭაში, შოვში მომხდარი სტიქიის დროს. 

გომელაური ამბობს, რომ ახალი ვერტმფრენი ვერ იფრენს ღამე და ვერც ის შევიდოდა ხეობაში, ამიტომ იმაზე საუბარი, რომ ამ ვერტმფრენის არსებობის შემთხვევაში ყველას გადარჩენა შესაძლებელი იქნებოდა, სიცრუეა.

"ბევრად კომფორტულია, თუმცა ის, რომ ეს ვერტმფრენი რომ გვყოლოდა, რაც გაჟღერდა, რომ იქ ყველას გადავარჩენდით და ესე მოხდებოდა, ეს არის სიცრუე, შემიძლია თუ თქვენი ნება იქნება, მოვიყვანო ვინც არიან ამის პროფესიონალები, ექსპერტები და აგიხსნან, მე მათ მოყოლილს გიყვებით ხოლმე, ღამე ვერც ეს ვერტმფრენი ვერ იფრენს, ეგ იცოდეთ, შეუძლია, იგივე რაც შეუძლია დღევანდელ ვერტმფრენებს რაც ჩვენ გვყავს, აფრინდეს ბათუმის ვთქვათ აეროპორტიდან და ჩამოფრინდეს თბილისის აეროპორტში, თუ ქარიშხალი, ჭექა-ქუხილი არ არის საფრენ ზონაში, იგივე პრობლემები აქვს ამ ახალ ვერტმფრენსაც ანუ ის, რომ ეს ვერტმფრენი ახლა ღამე მიფრინდება, ხეობაში შეფრინდება, დაჯდება და ვიღაცას აიყვანს, ეს პრობლემა ამასაც აქვს, ეს ყველა ვერტმფრენს აქვს ასეთი პრობლემა. არის სამხედრო ვერტმფრენები, რომლებიც რისკავენ ომის დროს და რაღაც შედიან და ღონისძიებას ატარებენ. არ შეიძლება ვერტმფრენის ღამე, ხეობაში, მითუმეტეს, სადაც გადის მაღალი ძაბვის ხაზები და ასე შემდეგ, შეიძლება თქვათ, რომ რუკები ხომ არსებობს, ხეების რუკებს ვერ გააკეთებს ვერავინ, აქედან გამომდინარე, ის რომ ეს რომ გვყოლოდა, ეს აღარ მოხდებოდა რაჭაში და ასე შემდეგ, სხვა თუნდაც.... ღამე უდიდესი პრობლემაა", - თქვა გომელაურმა.

მისივე თქმით, "ბეწვზე გადარჩნენ" ბორჯომ-ხარაგაულის ტყეში ხანძრის დროს, რადგან შემთხვევით ხეს წამოედო კალათა. 

შეგახსენებთ, რომ რაჭაში, შოვში 3 აგვისტოს მეწყერი ჩამოწვა. სტიქიას 33 ადამიანი ემსხვერპლა. ერთი პირის ცხედარი ნაპოვნი არაა. დაღუპულებს შორის არიან ბავშვები. 

ვიდეო რეკლამა

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
ვიდეო რეკლამა

Copyright © 2006-2024 by Resonance ltd. . All rights reserved
×