ევროკავშირი ეგვიპტეს 7,4 მილიარდი ევროს დაფინანსების პაკეტს გამოუყოფს. ინფორმაციას „დოიჩე ველე" ავრცელებს.

ევროკომისიის პრეზიდენტის, ურსულა ფონ დერ ლაიენის განმარტებით, ეგვიპტეს 7,4 მილიარდი ევროს დაფინანსების პაკეტი 2024-2027 წლებში გადაეცემა.

როგორც აღინიშნა, დაფინანსება მიზნად ისახავს ეგვიპტის დახმარებას ეკონომიკის სტაბილიზაციის, რუსულ გაზზე დამოკიდებულების შემცირების მიმართულებით. ამასთან, დაფინანსება გამიზნულია რეგიონიდან ევროპაში მიგრანტების ნაკადის დასახმარებლად.

შეთანხმება მოიცავს 5 მილიარდი ევროს მაკროფინანსურ დახმარებას, 1,8 მილიარდი ევროს ინვესტიციებს და 600 მილიონი ევროს გრანტებს მომდევნო სამი წლის განმავლობაში ეგვიპტის ეკონომიკის მხარდასაჭერად.

ევროკომისიის პრეზიდენტი ურსულა ფონ დერ ლაიენი და რამდენიმე ევროპელი პრემიერ-მინისტრი კაიროში ეგვიპტის პრეზიდენტს, აბდელ ფატაჰ ალ-სისის შეხვდებიან, რათა ხელი მოაწერონ შეთანხმებას.