საგარეჯოს მუნიციპალიტეტის ერთ-ერთი სოფლიდან გატაცებული 13 წლის გოგო იპოვეს. ინფორმაციას "რადიო თავისუფლებას" ბავშვის მამა აწვდის. გოგოს 6 დღის განმავლობაში ეძებდნენ. 

"პოლიციამ ახლა მითხრა, რომ გოგო ნაპოვნია. მე თბილისიდან კახეთში მივდივარ და გავარკვევ, როგორ არის ჩემი შვილი, სად იპოვეს და რა მოხდა. სხვა არაფერი არ ვიცი", - ამბობს "რადიო თავისუფლების" ცნობით, ბავშვის მამა.

გოგოს ოჯახის წევრები ამბობენ, რომ არასრულწლოვანი თანასოფლელმა, 16 წლის არასრულწლოვანმა ბიჭმა 27 თებერვლის ღამეს, ეზოდან მოიტაცა.