ცენტრალური საარჩევნო კომისიის თავმჯდომარე გიორგი კალანდარიშვილის განცხადებით, მთავარია დეზინფორმაციით და ცილისწამებით არ დაზიანდეს საარჩევნო ადმინისტრაცია. მისი თქმით, კითხვები შეიძლება იყოს და ეს პროცესის თანმდევია, თუმცა მთავარი არის ის, რომ ცესკო მაქსიმალურად გამჭვირვალედ მოქმედებს და საზოგადოებასთან აქტიური კომუნიკაცია აქვს.

„საზოგადოებას გამჭვირვალე და ოპერატიული ინფორმირებით ვაძლევთ იმის შესაძლებლობას, რომ თავად განსაჯონ და მიიღონ გადაწყვეტილებები და შეფასებები საარჩევნო ადმინისტრაციის საქმიანობასთან მიმართებით. მთავარი არის ის, რომ დეზინფორმაციით, მითების შექმნით, ცილისწამებით და მადისკრეტირებელი კამპანიით არ დაზიანდეს საარჩევნო ადმინისტრაცია, როდესაც საუბარია უსაფუძვლო და უარგუმენტო ბრალდებებზე", - განაცხადა კალანდარიშვილმა.