აშშ-ის პრეზიდენტმა, ჯო ბაიდენმა განაცხადა, რომ რუსეთის პრეზიდენტი, ვლადიმირ პუტინი პასუხისმგებელი ალექსეი ნავალნის სიკვდილზე.

"პუტინი პასუხისმგებელია ნავალნის სიკვდილზე. პუტინის სამიზნე მხოლოდ სხვა ქვეყნების მოქალაქეები არ არიან, როგორც ეს ვიხილეთ უკრაინაში. ის ასევე საშინელ დანაშაულებს ახორციელებს საკუთარი ხალხის მიმართ", - აღნიშნა აშშ-ის პრეზიდენტმა.

"ნავალნი გაბედულად დაუპირისპირდა კორუფციას, ძალადობას და ყველა იმ ცუდ საქმეს, რასაც პუტინის მთავრობა აკეთებდა. საპასუხოდ, პუტინმა ის მოწამლა, დააპატიმრა", - განაცხადა ბაიდენმა.