აშშ-ის სენატმა დაამტკიცა კანონპროექტი, რომელიც უკრაინისთვის, ისრაელისთვისა და ტაივანისთვის $95 მილიარდის ოდენობით დახმარების გამოყოფას ითვალისწინებს. ამის შესახებ BBC წერს.

გამოცემის ინფორმაციით, „დემოკრატები" კანონპროექტს მხარს თავიდანვე უჭერდნენ, „რესპუბლიკელთა" აზრები კი გაყოფილი იყო. დოკუმენტს მხარი 70 სენატორმა დაუჭირა, წინააღმდეგი კი 29 იყო. დოკუმენტი ითვალისწინებს 60 მილიარდი დოლარის გამოყოფას კიევისთვის, 10 მილიარდი დოლარის გამოყოფას ისრაელისთვის და ჰუმანიტარული დახმარებისთვის კონფლიქტის ზონებში, მათ შორის ღაზის სექტორში.

უკრაინის პრეზიდენტმა ვოლოდიმირ ზელენსკიმ სენატორებს კანონპროექტის მიღებისთვის მადლობა გადაუხადა.

თუმცა, მანამდე „რესპუბლიკელების" მიერ კონტროლირებადი წარმომადგენელთა პალატის სპიკერმა მაიკ ჯონსონმა კანონპროექტი გააკრიტიკა. ამ ეტაპზე უცნობია, როდის უყრიან მას კენჭს წარმომადგენელთა პალატაში.