რამდენიმე საათი ახალი პრემიერის დასახელებამდე - “ქართული ოცნების“ ყრილობაზე პარტიის საპატიო თავმჯდომარე, ბიძინა ივანიშვილი ირაკლი კობახიძეს პრემიერ-მინისტრობის კანდიდატად პოლიტსაბჭოს ოფიციალურად წარუდგენს. იქნება კენჭისყრა.

ცნობილია, რომ პროცესი მალე დასრულდება, რადგან ახალი პრემიერის კანდიდატურაზე "ქართულ ოცნებაში" სრული თანხმობაა.

„პროცედურულად, მოგეხსენებათ, რომ პოლიტსაბჭო მიიღებს გადაწყვეტილებას. განიხილება ეს ერთი კანდიდატურა ირაკლი კობახიძის. წარდგენილი იქნება ცვლილებები პარტიის ყრილობაზე, მიიღება გადაწყვეტილებები და წინასწარ გვაქვს მოლოდინი, რომ პოზიტიურია განწყობა ამ ცვლილებებთან მიმართებაში,“ - აცხადებს პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე მიხეილ სარჯველაძე.