20 ნოემბრიდან 22 ნოემბრამდე საქართველოში მოსალოდნელია წვიმა, მაღალმთიან რეგიონებში თოვლი, ზოგან ძლიერი, ქარბუქი, შესაძლებელია თოვლის ზვავები. გარემოს ეროვნული სააგენტოს ინფორმაციით, იქნება დასავლეთის მიმართულების ძლიერი ქარი, ზღვაზე 4-5 ბალიანი შტორმი.
"მოსალოდნელმა ნალექებმა საქართველოს მდინარეებზე შესაძლებელია წყლის დონეების მნიშვნელოვანი მატება, ხოლო გორაკ-ბორცვიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს. მთიან და მაღალმთიან რეგიონებში მოსალოდნელი დიდთოვლობის, ზვავსაშიშრიების, ქარბუქისა და ხილვადობის გაუარესების გამო, საავტომობილო გზების ცალკეულ მონაკვეთებზე შესაძლებელია შეიზღუდოს ტრანსპორტის მოძრაობა", - ნათქვამია სააგენტოს მიერ გამოქვეყნებულ ინფორმაციაში.
მოსახლეობას გამაფრთხილებელი შეტყობინება გაუზავნა 112-მა, სადაც ნათქვამია: "გაცნობებთ, რომ 20-22 ნოემბერს საქართველოში ამინდის მკვეთრი გაუარესება და ძლიერინალექია მოსალოდნელი. მოსახლეობას მოვუწოდებთ სიფრთხილისკენ“.