რუსეთის დანაშაულებრივ ქმედებებზე, რაც საქართველოს ოკუპირებულ ტერიტორიაზე სამხედრო ბაზების გაფართოებას უკავშირდება, შეშფოთებას ვეღარც "ქართული ოცნება" მალავს. პარტიის თავმჯდომარემ დღეს თქვა, რომ საგარეო საქმეთა სამინისტროს განცხადებას სრულად იზიარებს.

საგარეო საქმეთა სამინისტრომ გაავრცელა ოფიციალური განცხადება. პირველი, ვინც უნდა რეაგირებდეს ასეთ მიუღებელ ნაბიჯებზე, არის საგარეო საქმეთა სამინსტრო და ეს ოფიციალური განცხადებას რაც ნიშნავს მთავრობის განცხადებას, ხელისუფლების პოზიციას. სრულად ვიზიარებ ამ შეშფოთებას, რომელიც არის გამოხატული საგარეო საქმეთა სამინისტროს განცხადებაში, - ამბობს ირაკლი კობახიძე. საქართველოს ოკუპირებულ ტერიტორიებზე რუსეთის სამხედრო ბაზების გაფართოების საკითხს საქართველოს საგარეო საქმეთა სამინისტროს საგანგებო განცხადებით ეხმიანება. უწყება რუსეთის ქმედებებს საქართველოს სუვერენიტეტის და ტერიტორიული მთლიანობის უხეშ დარღვევად და მორიგ პროვოკაციად აფასებს და მოუწოდებს ოკუპანტს, შეწყვიტოს საქართველოს განუყოფელი რეგიონების უკანონო ოკუპაცია.