საქართველოს ტექნიკური უნივერსიტეტი თბილისის სახელმწიფო უნივერსიტეტთან აღარ გაერთიანდება, თუმცა, უმაღლესი განათლების კონცეფციის თვალსაზრისით არაფერი იცვლება, რომლის ფარგლებშიც, "ერთი ქალაქი ერთი ფაკულტეტის" პრინციპის შესაბამისად, სტუ გარდაიქმნება წმინდა ტექნიკურ უნივერსიტეტად.

"ქართული ოცნება" აშშ-სთან პარტიორობის განახლების კუთხით გრძელვადიანი მოთმინების რეჟიმში გადადის. პრეზიდენტ მიხეილ ყაველაშვილისა და აშშ-ს ადმინისტრაციის მაღალჩინოსნების შეხვედრის შემდეგ მმართველ პარტიაში ალაპარაკდნენ იმაზე, რომ ურთიერთობის გამოსწორება ძალიან რთული და ხანგრძლივი პროცესი იქნება.

ქართულ სამომხმარებლო ბაზარზე კარტელური გარიგებებისა არსებობა მთავრობამ, ფაქტობრივად, დაადასტურა. ქვეყნის პრემიერ-მინისტრის განცხადება, რომ ამ საკითხით დაინტერესდნენ, იძლევა საფუძველს, რომ ხელისუფლება კარტელებთან ბრძოლას დაიწყებს და ფასების კლების რეალური შესაძლებლობა გაჩნდება. განსაკუთრებით ეს ეხება მედიკამენტებისა და სურსათის ფასებს. მართალია, ამ მიმართულებით ბოლო წლებში საწვავის ბაზარზე არსებული მდგომარეობა გაუმჯობესდა, თუმცა სპეციალისტები კარტელის ნიშნებს ამ სეგმენტშიც ხედავენ.

აშშ-ის პრეზიდენტის, დონალდ ტრამპის განცხადებით, აპრილში ჩინეთში ჩასვლას გეგმავს, წლის ბოლოს კი თეთრ სახლში ჩინეთის ლიდერ სი ძინპინს უმასპინძლებს. „მე იქ აპრილში მივდივარ, ის კი წლის ბოლოსკენ ჩამოვა. ის თეთრ სახლში მოდის, დიახ, წლის ბოლოსკენ", - აღნიშნა ტრამპმა NBC News-თან ინტერვიუში.

ევროპის კორუფციის ყველაზე დაბალი მაჩვენებლის მქონე ქვეყნების სამეულში მოხვედრა - ასეთ ამბიციურ მიზანს ასახელებს საქართველოს ხელისუფლება. პრემიერ-მინისტრ ირაკლი კობახიძის განცხადებით, მთავრობა უკვე მიღებულ გადაწყვეტილებებსა და გამჭვირვალობის გაძლიერებაზე აკეთებს აქცენტს, პარალელურად კი საუბრობს სახელმწიფო ინსტიტუტების ერთიანობაზე, „გარე ზეწოლის" წინააღმდეგობაზე და ქვეყნის „თავსმოხვეული პოლარიზაციისგან" გათავისუფლების აუცილებლობაზე.

ქვეყანაში კვლავ პროტესტია, ბოლო პერიოდში რამდენჯერმე მარშიც შედგა, თუმცა, ოპოზიციონერი ლიდერები კვლავ თავს იკავებენ და არ აქტიურობენ ისე, როგორც ადრე. ანალიტიკოსთა ნაწილი არ გამორიცხავს, დადგეს დრო და წინა პლანზე პოლიტიკოსები ვიხილოთ, ნაწილს კი მიაჩნია, რომ უკვე ოპოზიციური პარტიების საქმიანობა აქციების ბედ-იღბალზე თითქმის გავლენას არ ახდენს და პროტესტანტები მათ ლიდერებს ასპარეზს არ დაუთმობენ.

"ქართული ოცნება" უკვე მუშაობს მისი დეპუტატების ინიციატივაზე, რომ სანქციები, მათ შორის სისხლის სამართლებრივი პასუხისმგებლობა დაეკისროთ იმ პირებს და ჯგუფებს, რომლებიც კონსტიტუციური ორგანიების ლეგიტიმაციას საჯაროდ არ აღიარებენ. პრემიერი ირაკლი კობახიძის სურვილია, რომ პარლამენტმა "რაც შეიძლება მალე მიიღოს შესაბამისი კანონი".

აშშ-ის ჰელსინკის კომისია 11 თებერვალს ბრიფინგს გამართავს, თემაზე - „ქართული ოცნების" მიერ განსხვავებული აზრის მზარდი ჩახშობა". ამის შესახებ ინფორმაციას თავად ჰელსინკის კომისია ავრცელებს. ანალიტიკოსები არ გამორიცხავენ, რომ „ქართულ ოცნებას" მკაცრად გააკრიტიკებენ.

პრემიერ-მინისტრი ირაკლი კობახიძე კვირის მთავარ პოლიტიკურ და სოციალურ საკითხებს ერთიან გზავნილად აყალიბებს - ხელისუფლება საუბრობს განათლების სისტემის „არსებით გარდაქმნაზე", ფასების შემცირების აუცილებლობაზე და კონსტიტუციური წესრიგის დაცვაზე, მაშინ როცა მისი განცხადებები ევროპულ ბიუროკრატიაზე, ეკონომიკურ რეფორმებსა და სტრატეგიულ პარტნიორობაზე ქვეყნის შიდა და საგარეო პოლიტიკურ დღის წესრიგს ერთდროულად ეხება.

„ქართული ოცნება" მზადაა „საჭიროების შემთხვევაში"„ ერთიანი ნეიტრალური საქართველოს" მიერ შეთავაზებულ დებატებში ჩაერთოს, რომელიც საქართველოს ევროინტეგრაციის პროცესს ეხება. ოპოზიცია დარწმუნებულია, რომ მმართველი პარტია ინიციატორი ჯგუფის სახელით საუბრობს და რომ მიზანი კონსტიტუციიდან 78-ე მუხლის ამოღებაა.

ენმ-ის პოლიტსაბჭოს თავმჯდომარე, პატიმრობაში მყოფი ლევან ხაბეიშვილი სასამართლო სხდომაზე ოპოზიციას მკვეთრად დაუპირისპირდა. მან პოლიტიკურ პარტიებს აქტიურობისკენ მოუწოდა და მიმართა, რომ საკუთარ ხალხს მოუსმინონ. ამასთან, უკმაყოფილება გამოთქვა იმაზე, რომ ყველაზე შეიძლება გირაოს გამოყენება, მის გარდა.

ანაზღაურების საკითხი საქართველოს შრომით ბაზარზე კვლავ გამოწვევად რჩება. საჯარო სექტორისაგან განსხვავებით, სადაც ხელფასები კანონმდებლობის შესაბამისად ყოველწლიურად 10%-ით იზრდება, კერძო სექტორში, რთული მდგომარეობაა. 2024 წელს ანაზღაურება რაღაც დონემდე გაიზარდა და მას შემდეგ პროცესი საგრძნობლად შენელდა. პარალელურად კი, ქვეყანაში ინფლაცია მზარდია. წელსაც მისი მაჩვენებელი მაღალია და ხალხი სიძვირეს უჩივის. 

სახელმწიფო ბანკის შექმნით კომერციულ ბანკებს სერიოზული კონკურენტი გაუჩნდება, რამაც შესაძლოა, დაკრედიტების პოლიტიკა შეცვალოს. როგორც ცნობილია, მთავრობა სახელმწიფო ბანკის შექმნაზე მუშაობას გეგმავს. მისი მთავარი მიზანი იაფ რესურსზე ხელმისაწვდომობის ზრდაა, თუმცა კონკრეტულად რა ფორმით შეეცდებიან ამას, ჯერჯერობით დეტალები უცნობია. სპეციალისტები ფიქრობენ, რომ სახელმწიფო ბანკში თანხის გარკვეული ნაწილი შეიძლება აკუმულირდეს იმ კომპანიებიდან, რომლებსაც დეპოზიტები კომერციულ ბანკებში აქვთ განთავსებული. ნაწილი ბიუჯეტიდან, ასევე საპენსიო ფონდის მეშვეობითაც.

რა ბერკეტი გააჩნია სახელმწიფოს იმისთვის, რომ საკუთარი მოქალაქეები მედიკამენტების გაძვირებისა და ხელოვნური დეფიციტისგან დაიცვას? იცოდით, რომ გარკვეულ მედიკამენტებზე დეფიციტი ხელოვნურად იქმნება, რადგან სხვა გაიყიდოს? ჯანდაცვის მინისტრის, მიხეილ სარჯველაძის განცხადებით, ამ პრობლემის მოსაგვარებლად, საჭიროა ესენციური (აუცილებლად საჭირო ნუსხა) მედიკამენტები განისაზღვროს, რომლებიც აუცილებლად უნდა იყოს აფთიაქებში. რაც შეეხება დარგის სპეციალისტებს, აქ აზრი ორად იყოფა: ნაწილი მიიჩნევს, რომ სახელმწიფომ მკაცრად უნდა გააკონტროლოს სააფთიაქო ბიზნესი, ხოლო მეორე ნაწილი ამ პრობლემის გადაჭრის ერთადერთ გზას ყოვლისმომცველ ფარმაცევტულ რეფორმაში ხედავს. 

ჩაერთვება თუ არა ე.წ. ტრამპის მარშრუტში რუსეთი? მართალია, სომხეთის პარლამენტის თავმჯდომარე ზანგეზურის დერეფანში რუსეთის მონაწილეობას აბსურდულს უწოდებს, თუმცა თუ იმ ფაქტს გავითვალისწინებთ, რომ სამხრეთ კავკასიაში ტრამპი პუტინის გავლენას ირიბად აღიარებს, ეს კითხვა სრულიად ლოგიკურია. სხვათა შორის, ამ საკითხზე ქართველ ექსპერტთა აზრიც ორად იყოფა: ექსპერტთა ნაწილს მიაჩნია, რომ სრულიად შესაძლებელია, ტრამპის მარშრუტში რუსეთის ჩართვა, მეორე ნაწილი ამგვარ შესაძლებლობას კატეგორიულად გამორიცხავს. 

ორშაბათიდან კვერცხის ფასი 5%-ით შემცირებაზე მეფრინველეობის სექტორის კომპანიების განცხადება, რაც პრემიერთან შეხვედრის შემდეგ მიიღეს, უმალ გახდა საზოგადოების განხილვის და ხშირ შემთხვევაში ქილიკის საგანი. მთავრობის მიერ დიდი რიხით დაწყებული კამპანიის შედეგად ჯერ მხოლოდ ეს, რბილად რომ ვთქვათ, მოკრძალებული შედეგი დადგა, რაც იწვევს ოპონენტების კრიტიკას, უბრალო ხალხის მხრიდან კი სარკაზმს. მმართველი გუნდი ამას სურსათზე ფასების კლების პოლიტიკის დადებით შედეგად აფასებს, მაშინ როცა ოპოზიცია ამტკიცებს, რომ ფასის შემცირება ბაზრის ბუნებრივი პროცესით არა, არამედ ადმინისტრაციული ზეწოლის შედეგად მოხდა

თუ ევროპა რუსეთს თავს დაესხმება, ის არა სპეციალურ სამხედრო ოპერაციას, არამედ სრულმასშტაბიან სამხედრო პასუხს მიიღებს, - ამის შესახებ რუსეთის საგარეო საქმეთა მინისტრმა სერგეი ლავროვმა განაცხადა. მისი მტკიცებით, რუსეთი უკრაინაში „სპეციალურ სამხედრო ოპერაციას" ატარებს და ევროპაზე თავდასხმის განზრახვა არ აქვს.

რუსეთის ფედერალური უსაფრთხოების სამსახური აცხადებს, რომ მოსკოვში გენერალ- ლეიტენანტ ვლადიმერ ალექსეევზე განხორციელებული თავდასხმის უკან უკრაინის სპეცსამსახურები იდგნენ - უწყების ვერსიით, თავდამსხმელი უცხოეთის სადაზვერვო ქსელთან იყო დაკავშირებული და ოპერაცია საერთაშორისო რეკრუტირებისა და დაფინანსების სქემით ხორციელდებოდა, მაშინ როცა კიევს ბრალდებებზე კომენტარი ჯერ არ გაუკეთებია.