ევროკავშირის საელჩოსთან სასულიერო პირებმა და მათმა მრევლმა აქცია გამართეს. დიპლომატიურ უწყებასთან შეკრებილებმა ლგბტ პროპაგანდა გააპროტესტეს და მოითხოვეს, რომ ეს საკითხი კანონით დარეგულირდეს.

„ჩვენი აქ მოსვლის მიზეზი არის ის, რომ ვითხოვთ ხელისუფლებისგან კანონმდებლობით აიკრძალოს ლგბტ ცხოვრების წესის ქადაგება-პროპაგანდა, რადგანაც ჩვენ ვთვლით რომ, ეკლესიის სწავლების მიხედვით ეს არის უმძიმესი ცოდვა", - განაცხადა დეკანოზმა დავით ისაკაძემ.