დაღესტანში ავტოსაგზაო შემთხვევას 8 ადამიანი ემსხვერპლა, დაღუპულთა შორის 2 ბავშვია. ამის შესახებ „ეხო კავკაზა" იუწყება.

კიდევ 16 ადამიანი დაშავდა. ავარია ტრასაზე „კავკაზი" მოხდა. „ტოიოტა ქამრი" მოძრაობის საპირისპირო მხარეს გადავიდა და სატვირთო ავტომობილს დაეჯახა.

ამის შემდეგ სატვირთო სამგზავრო ავტობუსს დაეჯახა, რომელიც ხასავიურტიდან მოსკოვში მიდიოდა.

შეჯახების შემდეგ ავტომობილებს ცეცხლი გაუჩნდა.

წინასწარი ინფორმაციით, ავარიაში „ტოიოტას" მძღოლია დამნაშავე, პოლიციის ინფორმაციით, ბოლო 4 თვეში მას 29 გადაუხდელი ჯარიმა დაუფიქსირა, მათ შორის სიჩქარის გადაჭარბებისა და საპირისპირო ზოლზე გადასვლის გამო.