18 ივნისს, ვარკეთილში, მამა-შვილზე თავდასხმის ფაქტზე პოლიციამ ცხელ კვალზე 1 პირი დააკავა. ამის შესახებ „ინტერპრესნიუსს" შსს-ში განუცხადეს.

როგორც დაზარალებული სოციალურ ქსელში წერს, მას და მის 60-წლამდე მამას ფიზიკურად მეზობელი გაუსწორდა.

ამავე ცნობით, თავდამსხმელმა 30 წლამდე ქალს 4 ჭრილობა, ხოლო მამას 30-ზე მეტი ჭრილობა მიაყენა.

დაზარალებულის ინფორმაციით, 60-წლამდე მამაკაცი ამ დრომდე კლინიკაში იმყოფება და მის სიცოცხლეს საფრთხე არ ემუქრება.

როგორც "ინტერპრესნიუს" შსს-ში განუცხადეს, მომხდარზე გამოძიება სისხლის სამართლის კოდექსის 19 109-ე მუხლით დაიწყო, რაც დამამძიმებელ გარემოებებში განზრახ მკვლელობის მცდელობას გულისხმობს.