საზოგადოებამ იცის, როგორ სრულდება თითოეული პუნქტი. რაც შეეხება დეპოლარიზაციას, ბუნებრივია ეს ძალიან რთული საკითხია. აქ ორმხრივი პასუხისმგებლობა არსებობს და მოვკითხოთ რადიკალურ ოპოზიციას ის, თუ რატომ არ ამცირებენ საკუთარ რადიკალურ რიტორიკას, ქმედებებს და ა.შ., - ამის შესახებ პარტია „ქართული ოცნების" თავმჯდომარემ ირაკლი კობახიძემ განაცხადა.
„მიუხედავად იმისა, რომ დეოლიგარქიზაციის კანონი იქნება მიღებული, ეს პრობლემა დარჩება ძალაში იმიტომ, რომ კეზერაშვილი არის კრიმინალი, ცხოვრობს საზღვარგარეთ, აქვს თავისუფალი მიმოსვლა ევროპაში, ძარცვავს ევროპელ პენსიონერებს, მაგრამ მაინც აფინანსებს საქართველოში პოლიტიკოსებს, ტელევიზიებსა და „ენჯეოებს". რამდენად უშველის ამ პრობლემას ამ ახალი კანონის მიღება, მე არ ვიცი იმიტომ, რომ კაცი არის კრიმინალი და მას აქვს თავისუფალი მიმოსვლის შესაძლებლობა ევროპის ქვეყნებში. არის რაღაც საკითხები, სადაც კანონი არ შველის საქმეს. ამ კუთხით ბუნებრივია პრობლემას თვალებში უნდა ჩავხედოთ", - აღნიშნა ირაკლი კობახიძემ.