რამდენად დაცულია საქართველოში სუროგატი დედების უფლებები - საკითხით „იმედის კვირა" დაინტერესდა და ერთ-ერთი სუროგატის ისტორიას გაეცნო. ახალგაზრდა ქალმა, მძიმე ეკონომიური მდგომარეობის გამო, გადაწყვიტა, სუროგატი გამხდარიყო, ტყუპი გააჩინა და საშვილოსნო დაკარგა. საქმეში, რომელიც ჯანდაცვის სამინისტროს რეგულირების სააგენტოსა და გენერალურ პროკურატურაში უკვე შესულია, ადვოკატები საკონტრაქტო დოკუმენტის ხარვეზებზეც მიუთითებენ.

საქართველოში ხელოვნური ჩარევებით რეპროდუქცია თითქმის უკონტროლოა, ამიტომ რაღაც გაგებით მარტივია და შესაბამისად მიმზიდველიც უცხო ქვეყნის მოქალაქეებისთვისაც. ეს სფერო არაერთ ქვეყანაში საერთოდ აკრძალული, უმრავლესობაში კი საკანონმდებლო ჩარჩოებშია მოქცეული.