ჩვენ ყველა თემასთან დაკავშირებით გვაქვს მყარი პოზიციები. ივნისის ბოლომდე სრულდება მუშაობა თითოეულ პუნქტთან დაკავშირებით. რა თქმა უნდა, პოლარიზაცია არის პრობლემური პუნქტი, პოლარიზაცია რეფორმებით ვერ დასრულდება. პოლარიზაციას სჭირდება რადიკალიზმის შემცირება ოპოზიციაში. სამწუხაროდ ამ მიმართულებით ნაბიჯები არ იდგმება, - ამის შესახებ პარტია „ქართული ოცნების" თავმჯდომარემ ირაკლი კობახიძემ განაცხადა.

„რაც შეეხება იმ პუნქტებს, რომელზეც ჩვენ გეკისრება პასუხისმგებლობა, ეს იყო რეფორმები, თანამდებობის პირთა არჩევა, ჩვენ ყველა პუნქტი სათანადოდ შევასრულეთ ან შევასრულებთ ივნისის ბოლომდე. ბუნებრივია, ჩვენ ჩვენს პარტნიორებს მუდმივად ვუზიარებთ ინფორმაციას რეფორმების განხორციელების მიმდინარეობასთან დაკავშირებით. შესაბამისად, ერთი, რომ ვართ პირნათელი რეფორმების განხორციელების კუთხით და მეორე, ინფორმირებაც, რა თქმა უნდა არის უზრუნველყოფილი. ჩვენი პარტნიორების ფართო ინფორმირება არის ჩვენი პასუხისმგებლობა და ამას ვაკეთებთ", - განაცხადა ირაკლი კობახიძემ.