მოსკოვში ორ საცხოვრებელ კორპუსს დრონები შეეჯახა. როგორც ადგილობრივი მედია იუწყება, შემთხვევის შედეგად არავინ დაშავებულა.  

ადგილობრივების ცნობით, დრონი საცხოვრებელი სახლის ზედა სართულებს დაეჯახა, რის შედეგადაც შენობის ფასადი დაზიანდა. 

ანალოგიური შემთხვევა დაფიქსირდა მეორე საცხოვრებელი შენობის შემთხვევაშიც, იქაც დაზიანებულია შენობის ფასადი და ბინების ფანჯრები.

მოსკოვის ოლქის გუბერნატორის, ანდრეი ვორობიოვის განცხადებით, აფეთქებების ხმები, რომელიც დღეს დილით მოსკოვის ოლქის მცხოვრებლებმა გაიგეს, საჰაერო თავდაცვის სისტემის მუშაობის გამო ისმოდა.