აშშ უკრაინას დამატებით 2 მილიარდი დოლარის სამხედრო დახმარების ახალ პაკეტს, მათ შორის Patriot-ის სარაკეტო თავდაცვის სისტემას გამოუყოფს. ამის შესახებ ჯო ბაიდენის ადმინისტრაციის წარმომადგენელმა ჟურნალისტებს განუცხადა.

„პრეზიდენტი ბაიდენი მნიშვნელოვან ახალ პაკეტს გამოაცხადებს, რომელიც დაახლოებით 2 მილიარდი დოლარის ოდენობისაა. ის შეიცავს ძალიან მნიშვნელოვან ახალ შესაძლებლობებს: Patriot-ის სარაკეტო ბატარეას, რომელიც იქნება მნიშვნელოვანი აქტივი უკრაინელი ხალხის დასაცავად უკრაინის. მესამე ქვეყანაში მოვამზადებთ უკრაინულ ძალებს, თუ როგორ მართონ Patriot-ის სარაკეტო ბატარეა. ამას გარკვეული დრო დასჭირდება", - აღნიშნა თეთრი სახლის წარმომადგენელმა.

ვოლოდიმირ ზელენსკი დღეს საღამოს აშშ-ის კონგრესს მიმართავს. კონგრესში სიტყვით გამოსვლამდე უკრაინის ლიდერი თეთრ სახლში აშშ-ის პრეზიდენტ ჯო ბაიდენს შეხვდება. შეხვედრის შემდეგ მხარეები პრესკონფერენციას გამართავენ.